Rango me ashiyaana dhundte hai hum,

Aapka aks talaashte hai...

Gehri-halki tasveere banti hai...

Unme kuch lamhon ki goonj...rango me duboya hua...

Hai rango se dilkash dosti meri,

Berang si ranjishein bhi nibhaate hai...

Mohabbat ka woh pehla sparsh,

Hai meethe rango me ghule huye...

Kabhi palko me simat jaate hai,

Kabhii yaadon se lipat jaate hai...

Aapki ungliyon ko chhukar jo mere rooh me utra hai,

Us rang ko main kya naam du...